ဖိုးသိကြား ဆက်မရေးချင်သော ကဗျာတပုဒ် (သို့) သိကြားဆုတောင်း
ဗိုလ်ချုပ်ပြောကြား မှတ်သားဖွယ်ရာ
စကားမှာကား “ကချင်တကျပ် ဗမာတကျပ်” ပါ
ယနေ့ချိန်ခါ မြင်ရတာက
“ကချင်တချက် ဗမာတချက်”
သေနတ်သံကြား ပြည်ထောင်စုဖွား
တိုင်းရင်းသားတို့ အတိဒုက္ခများလှပြီ...။
မာန်မာနမြဲ လူမျိုးစွဲနဲ့
တိုက်ပွဲခေါ်သံ ခြိမ့်ခြိမ်ညံလျက်
ပစ်ခတ်သတ်ဖြတ် အရိုင်းဇာတ်သို့
မပြတ်နေ့စဉ် တိုက်ပွဲဆင်ကာ
ရင်ဆိုင်သည်ကား တခြားပြည်သား
ကုလားမဟုတ် တရုတ်မမည်
ပြည်ထောင်စုဖွား ညီနောင်သွေးသားတွေပါပဲ..။
စစ်သွေးစစ်မာန် စစ်မိန့်သံကြား
တွားသွားပစ်ခတ် နှစ်ဖက်စစ်သား
ဝိညဉ်များကား စစ်မြေပြင်မှာမျောလွင့်ရှာ..။
စစ်၏ဘေးရန် ဒုက္ခဒဏ်အောက်
ဒူးထောက်ရောက်ရှိ သားအမိနဲ့
မိဘပြည်သူ များဗိုလ်လူလည်း
ပူဆွေးသောက ဗျာပါဒကြောင့်
စီးကျမျက်ရည် ပင်လယ်ဝေပြီ
အဖေရေ့လို့ ဟစ်အော်ငိုကြွေး
ခလေးလေးလည်း ဖခင်မဲ့ခဲ့ရှာပြီပေါ့..။
ကောင်းကွက်ဘယ်မှာ ရှာကြည့်ပါငြား
ကောင်းတာမရှိ ဆို့နစ်မိလို့
မချိရင်မှ ဆုခြွေဖြစ်သည်
စစ်မှာရစ်မူး စစ်ဘီလူးတွေကြောင့်
နှစ်ဦးနှစ်ဖက် ထိချက်ကယ်ပြင်း
စစ်တလင်းကား ပန်းခင်းတခင်းဖြစ်ပါစေ..။
သွေးညှီနံ့ဖုံး ယမ်းငွေ့လုံးသည့်
တောင်ကုန်းအနှံ့ ပန်းရနံ့များသင်းပါစေ..။
သေနတ်ဗုံးဆံ အမြှောက်သံများ
ကင်းစင်သွားလို့ ချိုးငှက်တေးတို့လွင့်ပျံစေ..။
ဂျိန်းဖောဌာနေ မနောမြေသည်
ထာဝရငြိမ်းချမ်းနိုင်ပါစေ..။
တောင်းမိသမျှ ဆုအ၀၀
အမြန်ပြည့်ဝရပါစေ..
နှစ်ဦးနှစ်ဖက် ဆုံးရှုံးနစ်နာမှုသာရှိသော စစ်ပွဲများ အမြန်ဆုံးရပ်..
အားလုံးကို ချစ်ခင်လေးစားသော ဖိုးသိကြား (22/01/2013)
