ဒီမိုမိခင်အတွက် မွေးနေ့ဆုတောင်း
ဒီမိုမိခင်အတွက် မွေးနေ့ဆုတောင်း
```````````````````````````
၁၉၄၅ ဇွန်မိုးစက်များနဲ့အတူ
မီးရှူးသန့်စင်ဖွားမြင်ခဲ့တဲ့အမေစု
၂၀၁၂ခု ၁၉ဇွန်မှာ ၆၇နှစ်ပြည့်ခဲ့ပြီ။
ထိုစဉ်အခါက
အဘအမည်ဦးအောင်ဆန်း
အမိအမည်ဒ်ါခင်ကြည်တို့သမီးထွေး
မနီးဝေးတဲ့ နှစ်တွေကြာသော်
တိုင်းပြည်အပေါ် ပေးဆပ်လိမ့်မယ်ဆိုတာ
ဘယ်သူကကြိုသိနိုင်ပါ့မလဲ..
ဗိုလ်ချုပ်နဲ့ အနေမကြာခဲ့လေလည်း
သေချာတွေးကြည့်လိုက်ရင်
အစဉ်စီးဆင်းနေတာ
ဖခင်သွေးတွေပါ..။
အဖေ့အမွေအဖြစ်
ရဲရင့်မှု၊ ပြတ်သားမှု
မြင့်မြတ်မှု၊ ပေးဆပ်မှု
စွန့်လွှတ်အနစ်နာခံမှုတွေအပြင်
မိခင်အမွေဖြစ်တဲ့
နူးညံ့ခြင်း၊ သိမ်မွေ့ခြင်း
ညှာတာခြင်း၊ စာနာခြင်း
သနားခြင်း၊ကြင်နာခြင်းတို့ပေါင်းစပ်
အမေ့အတွက်တော့
မြင့်မြတ်တဲ့လူသားအဖြစ်
သမိုင်းတွင်ရစ်ခဲ့တာ
ကမ္ဘာအသိပါပဲ..။
ဗိုလ်ချုပ်ကလွတ်လပ်ရေးအတွက်
အာဇာနည်ခေါင်းဆောင်ဆိုရင်
အမေကဒီမိုကရေစီရဲ့ရှေ့ဆောင်လမ်းပြ
ဗိုလ်ချုပ်ကလွတ်လပ်ရေးအတွက်
အသက်ပေးခဲ့သလို
အမေဆိုလည်းဒီမိုကရေစီအတွက်
ဘ၀ပေးအပ်ခဲ့တယ်။
ခုချောမွေနေတဲ့ဒီမိုလမ်း
အမေတို့ဖောက်ခဲ့စဉ်က
ဘယ်လောက်ကြမ်းခဲ့သလဲဆိုတာ
အားလုံးသိပါတယ်အမေ
ကျည်ဆန်တွေအောက်မှာ
မကြောက်တရားဟောကြားခဲ့တဲ့အမေ
ရက်စက်မှုတွေကြားမှာ
ငြိမ်းချမ်းစွာတောင်းဆိုခဲ့တဲ့အမေ
ဖိနှိပ်ချုပ်ခြယ်ခြင်းအလယ်မှာ
ငြိမ်သက်စွာကျရောက်ခဲ့တဲ့အမေဟာ
မြန်မာပြည်အတွက်တော့
တန်ဖိုးမဖြတ်နိုင်ပါဘူး..။
ဒါပေမယ့်အမေ
မသမာသူတွေအတွက်တော့
ရက်စက်ခြင်းရဲ့သင်္ကေတ
ယုတ်မာခြင်းရဲ့ပြရုပ်သဌာန်နဲ့
လုပ်ကြံခဲ့သေးတာလည်း
ဒီပဲယင်းကသက်သေပါ။
ကံသီစွာအန္တရယ်ကင်းခဲ့ပေမယ့်
ချုပ်ခြယ်ခြင်းရဲ့ဒဏ်ကိုတော့
ခံရပြန်ရှာတယ်။
တကယ်ပြောတာပါအမေ
ဒီမိကရေစီခရီးကြမ်းအတွက်
အကြမ်းမဖက်နည်းလမ်းကိုင်စွဲ
မယိုင်လဲစတမ်းလျှောက်လှမ်းခဲ့တဲ့အမေ..
ပြည်သူတွေအတွက်
အသက်သေသေဘ၀ကြေကြေ
မနေမနားကြိုးစားရှာတဲ့အမေ..
တိုင်းပြည်အရေးဦးစားပေး
အဝေးကသားနှစ်ယောက်ပါ
ဥပေက္ခာပြုလျစ်လျူရှုခဲ့ပါတဲ့အမေ့ကို
ဘာနဲ့မှအစားထိုးမရပါဘူး။
တောင်းဆိုပါရစေအမေ
ဒီမိုကရေစီကပန်းတပွင့်ဆိုရင်
အမေကဥယျာဉ်မှူး
အဖူးအငုံဘ၀ကနေပွင့်လန်းဝေအောင်
ဆောင်ရွက်ပေးပါအမေ..
ပြည်သူ့အဆင်းကလှေတစင်းဆိုရင်
အမေကပဲ့ကိုင်ရှင်
ခရီးလိုရာနှင်နိုင်ဖို့
အမေ့စွမ်းအင်အသုံးချ
လမ်းပြပေးပါအမေ..
မြန်မာပြည်ဟာမြှားတစင်းဆိုရင်
လေးညှို့ရှင်ကအမေပါ
နိုင်ငံတကာကိုဖောက်ထွင်း
မာန်ဟုန်ပြင်းတဲ့မြှားတစင်းအလား
အမေ့အားနဲ့ပစ်ခွင်းပေးပါအမေ..
ချစ်ခြင်းတရားကိုအခြေပြု
လေးစားမှုပေါင်းစပ်ထားပြီး
အမေ့ဘက်ကရပ်တည်သွားမယ့်
အမေ့သားသမီးတွေကိုလည်း
အမေ့ရဲ့စိတ်ကြိုက်
စေလိုရာသာစေလိုက်ပါ..။
ဒါတွေအားလုံးအတွက်
အမေအသက်ဆက်ဖို့လိုတယ်အမေ
ဒါ့ကြောင့် ၆၇နှစ်မွေးနေ့ကစ
ဒီမိုမိခင်ကျေးဇူးရှင်အမေ့အတွက်
အသက်ရှည်စွာအနာမဲ့ကြောင်း
ချမ်းသာကြောင်းနဲ့ပြည့်ဝပါစေ..
ဘေးရန်အပေါင်းမှကင်းလွတ်ပါစေ..
ကိုယ်စိတ်နှစ်ဖြာလန်းဖြာပါစေ..
တောင်းဆုခြွေလျက်..
Credit for photo: Mo Mo Aung@Facebook
(၂၀၁၂ ဇွန် ၁၉တွင် ကျရောက်တဲ့ အမေစုရဲ့ ၆ရ နှစ်ပြည့် မွေးနေ့အား ကြိုဆိုဂုဏ်ပြုလိုက်ပါတယ်)
အားလုံးကို ချစ်ခင်လေးစားသော... ဖိုးသိကြား
