ပြန်ခဲ့ပါတော့..အမေ

ပြန်ခဲ့ပါတော့..အမေ
~~~~~~~~~~~~
ပင်ပမ်းနေပြီလား..အမေ
သူတို့တွေက အလိုမရှိဆိုရင်
ပြန်သာလာခဲ့ပါအမေ
အမေ့ကို အလိုရှိတဲ့သူတွေအတွက်
အမေခရီးဆက်ရဦးမယ်မဟုတ်လား
တနေ့နေ့တချိန်ချိန်ကျ
သူတို့ဘ၀သူတို့နားလည်မှာပါ..။

အခုတော့အမေ့ကိုယ်စား
ဖိုးသိကြားဝမ်းနည်းတယ်
ငေးကြည့်နေတဲ့အမေ့မျက်ဝန်းမှာ
အဓိပ္ပါယ်ရှာကြည့်ရင်း
ရင်ထဲထိဆို့နစ်မိတယ်အမေ

လဲနေသူကိုထူပေးဖို့အတွက်
ကမ်းပေးတဲ့လက်ကိုမှ
ပုတ်ချရက်တာကိုတော့
ဒေါသထွက်မိတယ်အမေ
ရေနစ်နေတဲ့သူတို့အတွက်
အမေကမ်းတဲ့ဝါးကို
လက်လှမ်းလို့မကြို
အထာတွေပိုနေကြတယ်..။

တကယ်ဆိုအဲဒီ့ဝါးက
သူတို့အတွက်အားဆိုတာ
မသိလေလျော့သလား..
သူတို့ကို ၀ါးကူထိုးတယ်လို့များ
ထင်နေကြသလား..။

ရှိပါစေတော့အမေရယ်
“ဒီထက်ပိုပြီးမတတ်နိုင်ဘူး” ဆိုတဲ့
ကိုထီးသီချင်းအတိုင်းပေါ့
လက်လျော့လိုက်ပါတော့
အမေ့ကိုစိတ်ပူနေကြတဲ့
အမေ့သားသမီးတွေဆီပြန်ခဲ့ပါတော့
(ဖိုးသိကြား)

Credit for Photo: Irrawaddy

လူ့အလို

လူ့အလို
~~~~~
အမေ..
စေတနာတွေက
ဝေဒနာဖြစ်ကုန်ကြပြီ..။ တကယ်ပဲမသိတာလား..
တမင်ပဲမသိတာလား..
ဘယ်လိုမသိသလဲတော့မသိ
ကဲ.. အခုကြည့်
အလိုမရှိဆိုပါလား..

ဒီလိုပါပဲအမေရာ
လူဆိုတာကခက်သား
ဖြစ်ချင်တာပဲရှေ့မှာထား
ဖြစ်သင့်သလားမသုံးသပ်
အမျက်ထွက်တာလည်း
လွယ်တတ်ကြသတဲ့..။

ဒါ့ကြောင့်လည်း
ဘယ်ဘုရားရှင်
ဘယ်တန်ခိုးရှင်
ဘယ်ဖန်ဆင်းရှင်ကမှ
မစွမ်းသာတဲ့အရာက
လူအားလုံးရဲ့ဆန္ဒဖြည့်ဖို့ပါတဲ့..

အားလုံးလက်မြောက်ရတဲ့အရာ
အမေဖြည့်ပေးချင်တယ်ဆိုရင်တောင်
အမေ့ကိုယ်ပွား သန်းခြောက်ဆယ်လောက်
ထပ်ခွဲနိုင်မှဖြစ်လိမ့်မယ်..။

(ဖိုးသိကြား)

ပန်းခြောက်ပေးတဲ့ သင်ခန်းစာ

မနေ့ကပွင့်တဲ့ပိတောက်
ဒီနေ့ကျညှိုးနွမ်းခြောက်ပြီ
ပင်ယံထက်မှာပွင့်ဖူးနေတုန်း
အလုအယက်တက်ခူးလိုခူး
တံချူတံနဲ့လိမ်ဆွဲလိုဆွဲ
သဲသဲမဲမဲတန်ဖိုးထားကြလေရဲ့

ဟော..ခုကျ
တန်ဖိုးကျသွားတဲ့ပိတောက်
ညှိုးနွမ်းခြောက်သွေ့လေတော့
အောက်ကိုပစ်ချထားကြတာများ
ကောက်မယ့်သူတောင်မရှိဘူး
ပန်းခြောက်လေးရဲဘ၀ပုံသွင်
တွေ့မြင်ရတာ သင်ခန်းစာ...
(ဖိုးသိကြား)

မောင်ရင်ဖွတ်

မောင်ရင်ဖွတ်
~~~~~~~~
အရှေ့ကို...လျှောက်ပါလို့
အနောက်ကိုတဲ့..မျှော်လိုက်ရင်
အရှေ့ကို...လျှောက်ပါလို့တဲ့
အနောက်ကိုတဲ့..မျှော်လိုက်ရင်
အလွန်ချိုင်..ငတရုတ်နဲ့
ကုလားကိုမြင်....

မြန်မာတို့ရဲ့..မြေဥယျာဉ်
ယူချင်စရာ..အကုန်ကောင်း
ရောင်းပြီပေါ့ဂျောင်း.....

ဒေါ်လာတွေ..ရင်မှာပိုက်ပါလို့
မသာတွေ..ဘ၀င်မှာခိုက်စရာမို့
ဒေါ်လာတွေ..ရင်မှာပိုက်ပါလို့တဲ့
အခေါင်းတော်တွင်းသို့..မ၀င်လိုက်ခင်
အခေါင်းတော်တွင်းသို့..မ၀င်လိုက်ခင်..

ဘယ်အရာ... ဘယ်နှစ်ခါကုန်အောင်ဖြုတ်မလဲ
ဘယ်အရာ.. ဘယ်နှစ်ခါကုန်အောင်ထုတ်မလဲ
ဘယ်အရာ.. ဘယ်အခါအကုန်ပြောင်ရှင်းမလဲ...
ဖွတ်များရယ် သံအိုနှောလို့.. ပြော.. ပြော.. ပြော..ခဲ့.ပါ.ဦး

ဝန်ခံချက်။ ။ ငယ်ငယ်တုန်းက သင်ခဲ့ဖူးသည့် မောင်ရင်လောင်းကဗျာကို မှီငြမ်းသည်..။

ချစ်ခင်လေးစားလျက်..
(ဖိုးသိကြား)

အလှည့်ကျမနွဲ့စတမ်း

ဒါလားဟဲ့.. ဆွေမျိုးပေါက်ဖော်

တို့အပေါ်ရက်စက်

မကျေနပ်ချက်တေးကာမှတ်

လူ့အသက်သတ်လိုက်ပုံများ

Live တောင်ထုတ်လွင့်ပြကြသတဲ့..။

ဒါလားဟဲ့.. တို့အစိုးရ

တို့လူမျိုးကတရုတ်ရှေ့မှောက်

ဒူးထောက်ခစားလေရပြန်

သေဒဏ်ကျခံနေရပေမယ့်

ရေငုံနှုတ်ပိတ်တိတ်တဆိတ်နဲ့

လက်ပိုက်ကြည့်နေပြန်သတဲ့..။

မမြင်တွေ့ယောင်ဆောင်

နှစ်ပြည်ထောင်ချစ်ကြည်ရင်းဖို့

တို့လူမျိုးသွေးစတေးရဲတယ်ပေါ့

တို့လူမျိုးအသက်ဝကွက်အပ်လို့

ကျေးဇူးရှင်ကိုကျေးဇူးဆပ်တယ်ပေါ့

တရုတ်ကိုကြောက်လိုက်ပုံများ

အီးတောင်ကျယ်ကျယ်မပေါက်ရဲပါလား..။

ရှိပါစေတော့လေ..

ပုလင်းတူဗူးဆို့

ရောင်းသူဝယ်သူအသံတူနေမှတော့

ငါတို့ဘ၀ခံကြရတာမဆန်းပါဘူး..။

တခုတော့မှတ်ထားလိုက်ပါ

အခွင့်အခါသင့်လို့

ကြမ္မာရဟတ်တပါတ်အလည်ကို

ကံမကုန်လို့ ပြန်ကြုံကြရင်ဖြင့်

ပဒေသာကပွဲပါထည့်သွင်းပြလိုက်မယ်

အလှည့်ကျတော့မနွဲ့စတမ်းပေါ့..။

(ဖိုးသိကြား)

Credit for photo : ဇာဇာရွှေထားပို https://www.facebook.com/photo.php?fbid=193837997406728&set=a.100601433397052.353.100003415874149&type=1