ရာဇ၀င်များရဲ့ သတို့သမီးဟာ မငိုပေမယ့်...

ခုတော့ ရာဇ၀င်များရဲ့ သတို့သမီးဟာ မငိုပေမယ့်
မျက်ရည်တွေစီးခဲ့ ရှိုက်သံသဲ့သဲ့ ပဲ့တင်ထပ်လို့...

သူမရဲ့ ဘ၀အစ မေခနဲ့ မေလိခ ပေါင်းဆုံလို့
ဆွန်ပရာဘွမ်ကို မွေးဖွား
ကမ္ဘာတလွှားမှာ ကျော်ကြားခဲ့တယ်..။

မြန်မာပြည်ထိပ်ဖျားမှစ အညတရဘ၀မှ
အထင်ကရ မြစ်တစင်းအဖြစ် စီးဆင်းခဲ့တဲ့ ဧရာဝတီ...
ရာသီတွေ ဘယ်လိုပြောင်းပြောင်း
မဟောင်းတဲ့ပုံရိပ်နဲ့ အားလုံးကို ချွေးသိပ်ခဲ့တယ်..။

သူမရဲ့ ရေပြင်ထဲမှာ ရာဇ၀င်တွေ ထင်ရှားခဲ့တယ်
ဒဏ္ဍာရီပုံပြင်မဟုတ်တဲ့ သရုပ်မှန် ဇာတ်လမ်းတွေနဲ့
မှတ်တမ်းတွေလည်း ထားခဲ့တယ်..။

ဆန်ရေစပါး စားနပ်ရိက္ခာ
ပြည်စုံကြွယ်အောင် ဆောင်ကျဉ်းပေးခဲ့တဲ့သူမ..
သတ္တ၀ါအများကို သနားချစ်ခင် မေတ္တာဝင်လို့
အသက်ရှင်ရေး စောင့်ရှောက်ပေးခဲ့တဲ့သူမ...

တကယ်တော့...
သူမဟာ ပေးဆပ်သူသက်သက်
သူမရဲ့သားသမီးတွေအတွက်
သွေးအသက်ကိုယူယူ ကြည်ဖြူသော်ငြား
တိုင်းတပါးသား နယ်ခြားလူအတွက်တော့ မကြည်ဖြူနိုင်ခဲ့..

ဒါပေမယ့်...
အသားထဲကလောက် သစ္စာဖောက်တွေကြောင့်
သူမအသက်ကိုစတေး တိုင်းတပါးကို ပေးရတော့မယ်။
ရက်စက်သူတွေရဲ့ဒဏ် အံတု ခံနိုင်ပေမယ့်
သူမအပေါ် မှီခိုလေတဲ့ သားသမီးတွေရဲ့ သောက ကိုကြည့်ရင်း
မျက်ရည်တွေ စီးဆင်းနေတဲ့ မြစ်တစင်း..။

ဘ၀အစ လှပခဲ့လည်း..
နှလုံးသွေးပျက် နှိပ်စက်တဲ့ဒဏ် ခံနေရတဲ့ သူမ
လောဘသားတစုက အဓမ္မသိမ်းပိုက်
မိုက်ဇတ်တွေခင်းတဲ့ ဇာတ်လမ်းမှာ ရင်စည်းခံရင်း
မျက်ရည်မြစ်တစင်း အဖြစ်အသွင်ပြောင်း
ဘ၀နေ၀င်နောက်ဆုံးချိန်ထိ ပေးဆပ်နေဦးမယ့် သူမ..
သေချာတာတခုက..
ခု.. ငါတို့သောက်သုံးနေတာ သူမရဲ့မျက်ရည်တွေပါ..

ခုတော့ ရာဇ၀င်များရဲ့ သတို့သမီးဟာ မငိုပေမယ့်
မျက်ရည်တွေစီးခဲ့ ရှိုက်သံသဲ့သဲ့ ပဲ့တင်ထပ်လို့..


လူနည်းစုဘ၀ကောင်းစားပြီး ပြည်သူအများ ဒုက္ခများမည့် စီမံကိန်းများအား ဆန့်ကျင်ကန့်ကွက်ပါ၏..။
မိခင်ဧရာဝတီ နှိပ်စက်ခြင်းမှ ဝေးပါစေ..။

အားလုံးကို ချစ်ခင်လေးစားသော...ဖိုးသိကြား

မြစ်ဧရာ (Old Version & New Version)

အားလုံး မင်္ဂလာပါနော်..။ ဖိုးသိကြားလေးဘ၀ မူလတန်းမှာသင်ခဲ့ရတဲ့ ကဗျာလေးတပုဒ် ပြန်ဖော်ထုတ်ပါရစေ၊။
ကဗျာလေးအမည်က မြစ်ဧရာတဲ့..။

မြစ်ဧရာ

မြသားငယ်တဲ့ ရေယမုန်။


ငွေလှိုင်းတွေ ဖြူစွာနှင့်

မြစ်ဧရာ နဒီကြောမှာ

မျောကြဒိုက်ပုံ။

ကျူဝါးရုံ တူစုံကွဲ့ ဖော်နှော။

ဘုံမတီး ရယ်နှင့်

ငှက်ကြီး ရွှေဝန်ပိုတို့

ဝဲခိုလို့ မျှော။ ။



အဲဒီ့ကဗျာလေးကို ဖိုးသိကြား ငယ်စဉ် ကလေးဘ၀ထဲက နှစ်သက်ခဲ့ပါတယ်။ ခုချိန်ထိ အလွတ်ရနေ
တဲ့အထိ ဦးဏှောက်ထဲမှာ စွဲကျန်နေပါတယ်။ သာယာလှတဲ့ နဒီဧရာ အလှကိုလည်း သဘောကျမိတယ်။
ဖိုးသိကြား ငယ်ငယ်တုန်းက ကားလမ်းတွေ မပေါက်သေးလို့ အမေ့ဇာတိကို သွားလည်ရင်ဧရာဝတီမြစ်
ကိုဖြတ်ပြီး သင်္ဘောနဲ့သွားရတယ်။ ဖိုးသိကြားကတော့ အဲဒီလိုသွားရတာကို ပျော်တယ်။ ညနေဘက်ဆို
သင်္ဘောပေါ်ကနေ ဇင်ယော်တွေကို အစာကျွေးရတာ ကြည်နူးစရာ။ညဖက်ရောက်ရင် သင်္ဘောပေါ်ကနေ
မီးလေးတွေမှိတ်တုတ် မှိတ်တုတ်နဲ့ ရွာလေးတွေကိုကြည့်ရတာလည်း အရသာ။နောက်ဆုံး သင်္ဘောပေါ်မှာ
ထမင်းစားရတာ အိပ်ရတာကအစ ကောင်းမှကောင်း။သင်္ဘောနဲ့ သွားဖူးသူတိုင်း သိပါတယ်။ အဲဒီကတည်းက
မြစ်ဧရာကို ချစ်ခင်ခဲ့တာပါ။

ခုတော့ ကိုယ်တွယ်တာခဲ့ရတဲ့ မြစ်ဧရာရဲ့အနာဂတ် အရေးဟာစိတ်မအေးစရာ ဖြစ်နေရဘီ။ကိုယ့်နိုင်ငံမှာ
လျှပ်စစ် မလုံလောက်သေး..။ တယုတ်ကိုပေးဖို့ လုပ်နေကြတယ်။ စေတနာကတော့ ကောင်းမှကောင်း
အဲဒီအတွက် ကျနော်တို့ ချစ်တဲ့ မြစ်ကြီးကို စတေး သမိုင်းကို ခြေဆေးပစ်ကြတော့မယ်။ ဖိုးသိကြားကတော့
ဘယ်သူတေတေ ငတေမာပီးရောဆိုတဲ့ လူစုကြောင့် မြစ်ဧရာ ဘ၀ပျက်ရမှာကို လုံးဝမလိုလားဘူး။ဧရာဝတီ
အရေး ဟာအားလုံးရဲ့ အရေးလို့ ခံယူတယ်။ မြန်မာပြည်နဲ့ သက်ဆိုင်သူတိုင်း ဧရာဝတီကို မျက်နှာလွှဲလို့မရဘူး
ဒီတော့ တတ်နိုင်သမျှတော့ ဆန့်ကျင် ကန့်ကွက်ကြရမှာပဲ။



ပြည်သူကို ကိုယ်စားပြုပါတယ်ဆိုတဲ့ အစိုးရကြီးရေ..။ ဘယ်လိုလဲ? ပြည်သူကို အမှန်ကိုယ်စားပြုတယ်ဆိုရင်
တော့ ပြည်သူ့ဆန္ဒအမှန် ပြည်သူ့အသံကိုတော့ လျစ်လျူရှုလို့ မရဘူးနော်..။ လွတ်တော် အမတ်တွေကလည်း
ပြည်သူ့သဘောထား ဘယ်လိုဆိုတာ သိလောက်ပါဘီနော့..။ ဒီတော့ လွတ်တော်က ရလာဒ်ဟာ ပြည်သူ့အတွက်
ပဲဖြစ်ရမယ်။ ဒါမှ ပြည်သူ့လွတ်တော်ဆိုတာ ပီသမယ်။ အဲဒီလိုမှမဟုတ်ပဲ တယုတ်ကြီးပွားရေး။ လူတစုကောင်း
စားရေးပဲ ဦးတည်မယ်ဆိုရင်တော့ မြန်မာ့သမိုင်းမှာ ရာဇ၀င်ရိုင်းခဲ့တဲ့သူတွေအဖြစ် မှတ်တမ်းဝင်သွားမှာ။ မယုံမရှိနဲ့
ကိုယ့်သမိုင်းကိုယ်ပဲ ရေးတာ။ အားလုံးသော ပြည်သူဆန္ဒနဲ့ဆန့်ကျင်ပြီး အတ္တမာနနဲ့ မာန်ကြွနေရင်တော့ တချိန်မှာ နလံမထနိုင်ဖြစ်သွားလိမ့်မယ်။

အဲဒီအချိန်ကျမှ ကယ်ပါ၊ယူပါ တစာစာအော်နေမယ့်အစား ခုအချိန်မနှောင်းခင် ပြင်ဆင်လိုက်ကြတာ ကောင်း
ပါတယ်။ဟိုပုတ်ဂိုကြီးလို လူထုကတော်တော်လေး သဘောကျတဲ့ အနေအထား ရှိပါတယ် လို့တော့ အရွဲ့မတိုက်
လိုက်ပါနဲ့.ဟာ.ဟနောက်ဆုံးအနေနဲ့ အပေါ်မှာ ဖော်ပြခဲ့တဲ့ မြစ်ဧရာဆိုတဲ့ ကဗျာလေးကို New Version အဖြစ်
ပြင်ဆင်ရေးသားရင်း ဖိုးသိကြားတို့ ချစ်တဲ့ မြစ်ဧရာ ထာဝစဉ် ကည်တံခိုင်မြဲပါစေလို့ ဆုတောင်းပေးလိုက်ပါတယ်..။

မြစ်ဧရာ (New Version)

မြသားငယ်တဲ့ ရေတွေကုန်

ငွေလှိုင်းတွေ ပျောက်ပါလို့

မြစ်ဧရာ နဒီကြောမှာ

ဆောက်ကြစက်ရုံ။

အတူဝါးရန် လူစုံပေါက်ဖော်နှော

ဘုံမြစ်ကြီးကိုဖြင့်

ဖျက်ဆီးရန် ကြံစည်တာမို့

ပျက်လို့သာကော။ ။




လူနည်းစုဘ၀ ကောင်းစားပြီး ပြည်သူအများ ဒုက္ခများမည့် စီမံကိန်းများအား ပြင်းပြင်းထန်ထန် ဆန့်ကျင်ပါ၏၊
မိခင် ဧရာဝတီ နှိပ်စက်ခြင်းမှ ဝေးပါစေ..။

အားလုံးကို ချစ်ခင်လေးစားသော...ဖိုးသိကြား (၂၃-၀၉-၁၁)

လင်းပိုင်တကောင်ရဲ့ ဖွင့်ဟ၀န်ခံချက်

မင်္ဂလာပါ.. ကျနော်ဟာ အမိဧရာဝတီမှ ပေါက်ဖွားလာတဲ့ ဧရာဝတီလင်းပိုင် (Irrawaddy Dolphin)
တကောင်ပါ...။ကျနော့်ကို အသက်ရှင် ကျွေးမွေး လုံခြုံမှုပေးခဲ့တဲ့ မိခင်ဧရာဝတီရဲ့ ကျေးဇူးတွေဟာ
ဆပ်လို့မကုန်ပါဘူး..။ကျနော် အမိဧရာဝတီကို သိပ်ချစ်ပါတယ်။ ဒါ့ကြောင့်လည်း ဧရာဝတီလင်းပိုင်
ဆိုတဲ့ နာမည်ကို ကျေကျေနပ်နပ်ကြီး ခံယူထားတာပေါ့ဗျာ..။ ကျနော်တို့မျိုးနွယ်စုတွေ ကမ္ဘာအရပ်ရပ်
မှာ ရှိပါတယ်။ ဒါပေမယ့် မြန်မာပြည်က ဧရာဝတီဝမ်းတွင်းမှာ ပေါက်ဖွားတဲ့ ကျနော်တို့လောက်တော့
မထင်ရှားဘူးလေ။ဘာလို့လည်းဆိုတော့ ကျနော်တို့ အကူအညီနဲ့ ကိုတံငါတို့ ငါးဖမ်းကြတာ ကျနော်တို့
ဆီမှာပဲရှိတာကိုး။ဒါကလည်း ကျနော်တို့ တိုင်းပြည်နဲ့ အမိဧရာဝတီ နိုင်ငံတကာ အလယ်မှာ ထင်ရှားအောင်
တဖက်တလမ်းက ကျေးဇူးပြန်ဆပ်တာပါ။ ကျနော်တို့နဲ့ ကျနော်တို့ရဲ့ ဘော်ဒါ ကိုတံငါတို့နဲ့ ပူးပေါင်းပြီး
ငါးရှာရတဲ့ဘ၀ကို ကျနော် အရမ်းဂုဏ်ယူတယ်ဗျာ..။ အမေ ဧရာဝတီတော့ ကျနော်တို့ ဆိုးသမျှ နွဲ့သမျှ
ု အမြဲသည်းခံနေခဲ့တယ်လေ။ အဲဒါကြောင့်လည်း အမေ့ကို သိပ်ချစ်တာပေါ့ဗျာ..။ အမေက အရမ်းချစ်ဖို့
ကောင်းတာဗျ.. တကယ်ပြောတာ။ သားသမီးကောင်းတွေအပေါ် ချစ်ခင်သလို သားသမီးဆိုးတွေ အပေါ်
မှာလည်း အပြစ်မမြင်ဘူး..။ ကျနော်ကတော့ ကျနော်တို့ အပေါ် အမြဲပေးဆပ်နေတဲ့ အမေ ကျန်းမာပါစေ
လို့ အမြဲတမ်း ဆုတောင်းတယ်ဗျ..။ ဒါမှလည်း ကျနော်တို့ ဧရာဝတီလင်းပိုင် အပါအ၀င် ကိုတံငါ
ကိုရေပျော် အစရှိတဲ့ အမေ့ရင်ခွင်ခိုလှုံနေကြရတဲ့ သားသမီးအပေါင်း အဆင်ပြေကြမှာပေါ့။



အမေသာ ကျန်းမာရေးချို့ယွင်းခဲ့ရင်ဆိုတဲ့ အတွေး ကျနော်မတွေးရဲဘူး။ အမေသာ ကျနော်တို့ကို မစောင့်
ရှေက်နိုင်ခဲ့ရင်ကျနော်တို့ရဲ့ အသက်နဲ့ ခန္ဓာဟာလည်း ကြာရှည်တည်မြဲ နိုင်မှာ မဟုတ်ဘူးဆိုတာ သေချာ
တယ်။အခု ကျနော်စိုးရိမ်နေရဘီ။ယုတ်မာတဲ့ မဟုတ်တယုတ်တို့နဲ့ ပေါင်းပြီး ကျနော်တို့ဆီက လူတစုက
အမေ့ကို အသုံးချပြီး သူတို့ ကိုယ်ကျိုးအတွက် အမေ့အပေါ်ရက်စက်ဖို့ စီမံကိန်းတွေ ရေးဆွဲနေကြဘီဗျ..။
သူတို့ရက်စက်သမျှ ခံရမယ့် အမေ့ကို ကျနော် အရမ်းသနားတာပဲ။ ကျနော်ကိုယ်တိုင်ကလည်း အမေ့ကို
မှီခိုပြီး အသက်ရှင်သန်နေရတဲ့ လင်းပိုင်တကောင်ဆိုတော့ ဘာမှ မလုပ်ပေးနိုင်ဘူး။ အမေ့ကိုကယ်တင်ချင်
ပေမယ့် ကျနော်တို့တောင် ဘယ်နေ့ ကံဆိုးမိုးမှောင် ကျမလဲဆိုတာ ရင်ထိတ်နေရတဲ့ ဘ၀လေ..။ အဲဒီလိုပဲ
ကျန်တဲ့အမေ့သားသမီးတွေလည်း ခုဆိုရင် ထိတ်လန့်နေကြရဘီ။



ကျနော် အမေ့ရင်ခွင်မှာ ထာဝရခိုလှုံချင်တယ်။ အမေ့ အပါးမှာ အမြဲနေချင်တယ်။အမေ့ဝမ်းတွင်းမှာ ပျော်
ပျော်ပါးပါး လူးလာကူးခတ်ချင်တယ်။ကျနော့်ဘော်ဒါ ကိုတံငါတို့ကို နောက်ဆုံးထွက်သက်အထိ အကူအညီ
တွေ ပေးချင်သေးတယ်။ကျနော့် ရဲ့ အစွမ်းနဲ့ အမေနဲ့ တိုင်းပြည်ကို ကမ္ဘာမှာ ထင်ရှားစေချင်တယ်။ အမေ့ကို
လည်း ကျန်းကျန်းမာမာ နဲ့ ကမ္ဘာတည်သရွေ့ ရှိနေစေချင်တယ်။ အမေ့အပေါ် ရက်စက်ယုတ်မာမယ့် စီမံကိန်း
တွေ ပျက်စီးသွားစေချင်တယ်။ ကျနော်သာ တန်ခိုးရှင်တယောက် ဖြစ်ခဲ့ရင် အမေနဲ့ ကျနော်တို့ အားလုံးအပေါ်
ရက်စက်မယ့် အဲဒီစီမံကိန်းကြီးတွေကိုလေ ခုချက်ချင်း ဖျောက်ဖျက်ပစ်လိုက်ချင်တယ် အမေရယ်..။ ဒါပေမယ့်
ကျနော်ကိုယ်တိုင်က လင်းပိုင်တကောင် ဖြစ်နေခဲ့လေတော့ ဆုတောင်းနေရုံမှတပါး...



လူနည်းစုဘ၀ ကောင်းစားပြီး ပြည်သူအများ ဒုက္ခများမည့် စီမံကိန်းများအား ပြင်းပြင်းထန်ထန် ဆန့်ကျင်ပါ၏၊
မိခင် ဧရာဝတီ နှိပ်စက်ခြင်းမှ ဝေးပါစေ..။

အားလုံးကို ချစ်ခင်လေးစားသော ဖိုးသိကြား (၂၂-၀၉-၁၁)