ဟိုတစ..ဒီတစ အတွေး အပိုင်းအစများ

အားလုံးပဲမင်္ဂလာပါ။ ကျနော် Note အသစ်မရေးနိုင်တာ အတော်ကြာသွားပါဘီ။ ပြီးခဲ့တဲ့လက အချိန်အခက်အခဲ
ကြောင့် Online မတက်နိုင်ခဲ့ပါဘူး..။ Online ပြန်တက်နိုင်တဲ့အခါမှာတော့ ကျနော်အာရုံတွေမလန်းဘဲ စိတ်ဓါတ်
တွေကျနေလို့ မရေးနိုင်ခဲ့ပါဘူး။ ဒီနေရာမှာ ကျေးဇူးတင်စကားပြောချင်တာက ကျနော်စိတ်တွေလေနေတဲ့အချိန်
ကျနော့်ကို အားပေးစကား ပြောပေးကြတဲ့ ကျနော့်ဘက်ကရပ်တည်ပေးခဲ့ကြတဲ့ ကိုဖက်တီး၊ Chs Hlaing၊ ကို
သောင်းဟိန်း၊ ညီမ Sophia Sofia Chan နဲ့ ညီမလေးချစ်သဲနဲ့တကွ Online ညီအစ်ကိုမောင်နှမများကို ကျေးဇူး
အထူး တင်ရှိပါကြောင်း ပြောကြားလိုက်ရပါတယ်။ ခုကျနော် လက်ရှိခံစားနေရတာလေးတွေကို ရေးချလိုက်ပါတယ်။



ဟိုတစ..ဒီတစ အတွေး အပိုင်းအစများ 

ငါ့ရဲ့ မလှမ်းမကမ်းမှာ "၀ုန်း" ကနဲ ဗုံးတလုံးကွဲသွားတယ်။ လှမ်းကြည့်လိုက်တော့ သွေးသံတရဲရဲနဲ့ အနိဌာရုံမြင်ကွင်း..
နှုတ်ဖျားမှ စုတ်တချက်သပ်မိတယ်..ကျွတ်..ဘယ်သူတွေက ဘာရည်ရွယ်ချက်နဲ့လုပ်လုပ် ငါကတော့ခုလို အကြမ်းဖက်
လုပ်ရပ်တွေကို ရုတ်ချမိတယ်။ ဘာကြောင့်လဲ??? ခံလိုက်ရတာ ငါ့ပြည်သူတွေဖြစ်လို့ပေါ့..။
တကယ်လို့ ဒီဗုံးဟာ ပြစ်ဒဏ်ထိုက်တဲ့သူတွေဆီမှာ ပေါက်ကွဲခွင့်ကြုံခဲ့မယ်ဆိုရင်...ငါမပျော်ရင်တောင် ၀မ်းနည်းမှုမ
ဆောင်လောက်ဘူး။ ဒါကြောင့် သေချာတယ်..ငါဟာ အတ္တမကင်းသေးဘူး။ ငါတို့ရဲ့ပြည်သူဆိုတဲ့ ငါစွဲက ငါ့မှာ သေရွာ
ထိပျောက်မှာမဟုတ်ဘူး။ ဒါပေမယ့် ငါကျေနပ်တယ်။ (အရှင်ဘုရား..တပည့်တော်ကို လောဘ၊ဒေါသ၊မောဟ၊
မာန၊အတ္တ တို့နဲ့ ကင်းဝေးရာအမှန် မြတ်နိဗ္ဗာန်ကို လမ်းညွှန်ပို့ဆောင်ပေးတော်မူပါဘုရား..ထို့အတူပဲ တပည့်
တော်တို့ရဲ့ပြည်သူတွေကိုလည်း ဆင်းရဲခြင်းကင်းဝေးပြီး ချမ်းသာခြင်းတွေ ရောက်အောင် ဆောင်ကျဉ်းပေး
တော်မူပါဘုရား) ငါ့နှုတ်ဖျားက ဆုတောင်းတချို့ သွေးရုးသွေးတန်းနဲ့ ခုန်ပေါက်ထွက်ကျကုန်တယ်...။

ခုဆိုရင် နေပြည်တော်မှာ လွှတ်တော်ကြီး ဆင့်ခေါ်နေတယ်။ ငါကတော့ ဖွတ်တော်ကြီးလို့ နာမည်ပေးချင်ရဲ့။ ကြားရတာ
ကတော့ ၁၀မိနစ်၊၁၅မိနစ် လောက်ပဲတက်ရတယ်။ သူတို့ အတည်ပြုပြီးသားအမိန့်တွေ ဥပဒေတွေကို နားထောင်ရုံတဲ့
စားရိတ်ကတော့ မဆိုးဘူး တနေ့ တသောင်းပေးတယ်ဆိုပဲ။ သတင်းကတော့ မျိုးစုံ..ကြံ့နဲ့ဖွတ် ခွဲကြ၊ပြဲကြသတဲ့။ ချီး
ထုတ်လက်ဆောင်ရထားတဲ့ မြို့တော်ဝန်တယောက်ကတော့ဖြင့် ပုဆိုးလှန်ပြရခြင်းတောင် မထောက်ပဲ ဘေးထိုးချောင်
ပို့ခံနေရလို့ ကိုကြေကွဲနေဘီ ဆိုပြီးပေါက်ကွဲနေလေသတဲ့။ ဒီနေရာမှာ တခုတွေးမိတာက လွတ်တော်အဆောက်အဦး
တွင်းမှ သစ်ပင်တွေမှာ သစ်ခေါင်းတွေရှိခဲ့ရင် လွှတ်တော်အငတ်(အမတ်)တွေရဲ့ ပေါက်ကွဲသံစဉ်တွေ ဖွင့်ထုတ်ရာနေ
ရာတခုဖြစ်မှာမလွဲဘူး။ နောင်တချိန် အဲဒီသစ်ပင်တွေကို ခုတ်လှဲပြီး အိုးစည်၊ဗုံ စတဲ့ တူရိယာတွေပြုလုပ်လိုက်ရင်ဖြင့်
ယခင် ပုံပြင်ထဲက ဘုရင်ကြီးဖွဲခိုးစားတယ်ဟေ့ ဆိုတာထက်ပိုပြီးလန်းတဲ့ စကားလုံးတွေ ထွက်လာမှာပဲလို့ တွေးမိတယ်။
ခုတော့ စိတ်ပူမိတာက တော်ကြာ လွှတ်တော်ကအပြန် အငတ်တွေကို ဆွံ့အနားမကြားဆေးရုံပို့ပြီး ဆေးစစ်ရချင်ရနိုင်
တယ်..လွှတ်တော်ထဲမှာ ဘာမှပြောခွင့်မရလို့လေ..

နောက်တခုက ခုတလော လစာတွေတိုးမယ်ဆိုတဲ့သတင်း...နိုင်ငံတော်သမ္မတ ဦးသိန်းစိန်ကတော့ သိန်းငါးဆယ်တဲ့
အမှန်ဖြစ်လာမယ်ဆိုရင်တော့ ကမ္ဘာပေါ်မှာ စင်္ကာပူဝန်ကြီးချုပ်ပြီးရင် လစာအများဆုံးဖြစ်တော့မှာပေါ့။ အင်း..တို့နိုင်ငံ
ကြီးတိုးတက်နေပါတယ်။ ခေတ်မီနေပါဘီဆိုတဲ့ သကောင့်သားတွေကတော့ လက်ခမောင်းခတ်ဦးမှာပေါ့။ နိုင်ငံတကာ
နဲ့ ရင်ဘောင်တန်းနိုင်ဘီဆိုပြီးတော့..ငါတို့ပြည်သူတွေအတွက်ကတော့..ဟင်း..မလွယ်ပါလား။ ခုတောင် လစာတိုးမယ်
ဆိုတဲ့သတင်းက သဲ့သဲ့..တို့ပြည်သူတွေကတော့ ယဲ့ယဲ့ပဲ ကျန်တော့တယ်။ တက်လိုက်ကြတာ.တက်နေလိုက်ကြတာ..
မီးပုံးပျံတို့ မိုးပျံပုပေါင်းတို့က အရှုံးပေးနေရဘီ။ ဒေါ်လာဈေးကစလို့ တို့စရာနံနံပင်ကအဆုံး လောင်စာဆီတွေဆိုရင်တော့
ပြောမနေနဲ့တော့။ စံချိန်တွေချိုးပြီး စံချိန်သစ်တွေ အပြိုင်အဆိုင် တင်နေကြတာ.။ သြော်..အဖက်ဖက်က မတိုးတက်
တာမရှိ ဆိုတဲ့စကား မှန်သွားပါရောလား..

၂၀၁၁ ဟာထူးခြားတဲ့နှစ်တစ်နှစ်ပါ.။ နှစ်သစ်ကစလို့ အာဖရိကနဲ့ အာရပ်ကမ္ဘာမှာ ပြောင်းလဲမှုတွေ ဖြစ်ပေါ်ခဲ့ဘီ။ အနိစ္စ
တရားရဲ့ အောက်မှာ အာဏာရှင်တွေဟာ တဖုတ်ဖုတ်နဲ့ ပြုတ်ကျကုန်ကြဘီ။ တူနီးရှားက ဘင်အလီ နိုင်ငံကထွက်ပြေး
အီဂျစ်က မူဘာရက်ရာထူးက စွန့်လိုက်ရတဲ့နောက် လစ်ဗျားမှာတော့ ကဒါဖီအပေါ် အောင်ပွဲခံဖို့ အသင့်။ ခုလို အောင်
မြင်တာဟာ တပ်မတော်နဲ့ပြည်သူ ညီညွတ်စွာဖော်ဆောင်ခဲ့ကြလို့ပါ။ တပ်မတော်က ပြည်သူ့ဘက်ကရပ်တည်၊ ပြည်သူ
က တပ်မတော်နဲ့ လက်တွဲလို့လမ်းကြောင်းအမှန် လျှောက်ခဲ့ကြလို့ပါ။ ကျနော်တို့ရဲ့ တပ်မတော်သားတွေကလည်း ပြည်
သူ့ဘက်က ရပ်တည်ပေးမယ့် ပြည်သူ့တပ်မတော်သားတွေအဖြစ် မြင်တွေချင်လိုက်တာ..ထပ်ပြီးဆုတောင်းမိပြန်ဘီ
(အရှင်ဘုရား..တပည့်တော်တို့ရဲ့ တပ်မတော်သားတွေကိုလည်း ပြည်သူ့တပ်မတော်သားတွေဖြစ်အောင် စိတ်
ထားတွေ ပြောင်းလဲလာအောင် စွမ်းဆောင်ပေးတော်မူပါဘုရား..)

ခုတလော စိတ်တွေ တော်တော်လေး တက်တက်ကြွကြွ ပြန်ဖြစ်လာတယ်.။ တခြားနိုင်ငံတွေမှာ အာဏာရှင်တွေ ပြုတ်
ကျသလို ငါတို့နိုင်ငံမှာလည်း ဘာလို့မဖြစ်နိုင်ရမှာလဲ ဆိုတဲ့အတွေး နဲ့အတူ မျှော်လင့်ချက်တွေ ပြန်ရှင်သန်လာတယ်။
ခုဆိုရင် လူငယ်မျိုးဆက်သစ်တွေရဲ့ အမျိုးသားရေးစိတ်ဓါတ် ပြန်လည်ရှင်သန်နိုးထမှုတွေနဲ့ ကွန်ယက်တွေဖွဲ့ကြ၊
Revolution အတွက် JD(Just Do It) တွေအဖြစ်လှုပ်ရှားနေကြတာ အားရမိတယ်..။ဒီတော့ ငါသည်လည်း ဘယ်
နေရာရောက်ရောက် JD တယောက်ဆိုတဲ့ စိတ်ထားမွေး တက်ကြွမှုတေးတွေနဲ့ လက်သီးကိုဆုပ် တေးတပုဒ်ဟစ်
ကြွေးလိုက်တယ်။ စာသားကတော့ တကြောင်းတည်း....
အရေးတော်ပုံ အောင်ရမည်.....လို့...

စာတကြောင်းဖတ်မိတယ်..အနိစ္စဟာ..နိစ္စပါ...တဲ့...။
လောကကြီးမှာမြဲတဲ့အရာ တခုပဲရှိတာ..အဲဒါမမြဲခြင်းတရားပါ..။ ဒါပေမယ့် အနိစ္စကို နိစ္စအသွင်နဲ့ ပြည်သူအပေါ်
လူလိုမမြင် ဆက်ဆံချင်တဲ့ လူတချို့ကတော့ အမှန်မမြင်သေး..။တရားကို မမြင်တာလား။တရားကို မခင်တာလားမသိ..
ကိုယ့်အတွက်ပဲ ကိုယ်ကြည့်လို့ အတ္တကတဖက်သတ် အနိုင်နဲ့ပိုင်းထားတဲ့ ဘ၀မှာပဲ ပျော်ဝင်နစ်မြုပ်ရင်း ပရဆိုတာသူတို့
အတွက်တော့ မကြားဖူးတဲ့ စကားလုံးတလုံးအလား..သူတို့အစား ငါရင်လေးမိတယ်။ တဘ၀ဆိုတာ တခဏပါ.ထာဝရ
မမြဲတဲ့ စည်းစိမ်တွေတိုးပွားစေဖို့ နိုင်ငံတော်ငွေတွေခိုးထုတ်၊ လုပ်ငန်းတွေ လက်ဝါးကြီးအုပ်နဲ့ လက်တဆုပ်စာရဲ့ ခေါင်း
ထက်မှာတော့ စိန်ရောင်တွေ တလက်လက်..တို့ပြည်သူတွေမှာတော့ တရိပ်ရိပ်တက်နေတဲ့ ကုန်ဈေးနှုန်းလှိုင်းဂယက်
တွေကြားမှာ မနစ်မြုပ်အောင် ရုန်းကန်ကြိုးစားရင်း ဆိုးရွားတဲ့ ဘ၀တွေအတွက် မိသားစုအရေး၊ မောင်လေးညီမလေး
တွေအတွက် ပေးဆပ်..ကေတီဗွီ၊နိုက်ကလပ်၊မာဆတ်တွေမှာ ကျဆုံးရရှာတဲ့ အမျိုးကောင်းသမီးလေးတွေအတွက် ငါ့ရဲ့
မျက်ရည်စက်တချို့ မြေသို့ သက်ခဲ့တယ်။

ကိုယ်ချင်းစာတရားလက်ကိုင်ထားပြီး ငါ့ညီမလေးတွေသာဆိုရင် ဆိုတဲ့အတွေး ဆက်မတွေးရဲ..ငါသရဲဘောကြောင်နေ
မိတဲ့အချိန် လူကြီးလူကောင်းအမည်ခံ လူတချို့ကတော့ ငွေထုတ်တွေပိုက် ငိုက်စိုက်စိုက်နဲ့ မိုက်ဇာတ်တွေခင်းမိုးလင်း
ကြတယ်။ အဆီပြန်မျက်နှာတွေ ဘီယာ၊ ၀ီစကီရနံ့တွေ တွေနဲ့ မွန်းကျံနေတဲ့ အခန်းထဲက မီးရောင်မှိန်မှိန်အောက်မှ
အမျိုးကောင်းသမီးလေးတွေတချို့ရဲ့ မျက်ဝန်းတွေကတော့ တောက်ပခြင်းကင်းမဲ့ပြီး ဖျော့တော့နွမ်းလျလို့ပေါ့...။
လိုချင်မှုကြောင့် ပေးဆပ်နေသူတွေအတွက် မသနားမိပေမယ့် လိုအပ်ချက်အတွက် ပေးဆပ်နေရတဲ့ အမျိုးသမီးလေး
များအတွက် ၀မ်းနည်းမိရင်း..သြော်..တို့နိုင်ငံကြီး တိုးတက်နေတယ်ဆိုတာ ဒါတွေပါလား..ဆိုတဲ့အတွေးရင်နာနာ
နဲ့ ရေးချလိုက်မိပါပြီ..။





အားလုံးကို ချစ်ခင်လေးစားသော..ဖိုးသိကြား (၀၁-၀၃-၁၀)