ဗုဒ္ဓပူဇနိယ
တေးဆို___ချမ်းချမ်း
ချမ်းချမ်းရဲ့ 'ဗုဒ္ဓပူဇနိယ' သီချင်းအား ဖိုးသိကြား စုဆောင်းထားတဲ့ ဘုရားပုံတော်များနှင့် ပြန်လည် Edit လုပ်ပြီး တင်လိုက်ပါတယ်..။
ဒီသီချင်းရဲ့ မူရင်းအစမှာ ရခိုင်ယဉ်ကျေးမှုဆီမီးခွက်အကနဲ့ တွဲဖက်ပြီး တင်ဆက်ထားတဲ့ ရခိုင်ရိုးရာ ယဉ်ကျေးမှုတေးသီချင်းစစ်စစ်ဖြစ်ပါတယ်..။ တေးရေးကတော့ ဦးအောင်ကျော်ခိုင်ဖြစ်ပြီး တေးဆိုကတော့ ကိုအောင်ကျော်သာလို့ သိရပါတယ်..။
*ဆီမီးခွက်အကမှာ ဘာသာရေးနှင့် ဆက်နွယ်သော အကတမျိုးဖြစ်သည်။ ရခိုင်လူမျိုးတို့သည် ဘာသာရေးပွဲတော်များ ကျင်းပသည့်အခါတိုင်း ဗုဒ္ဓရှင်တော်မြတ်ဘုရားကို ပူဇော်လေ့ရှိကြသည်။ ဤအကသည် မြတ်စွာဘုရားအား ဆီမီးခွက်ဖြင့်တမျိုး ပန်းများဖြင့်တဖုံ ကိုင်မြောက်၍ ဘုရားရှင်၏ဂုဏ်ကျေးဇူးတော်များကို ဖွဲ့နွဲ့သီဆိုကာ ပူဇော်ကပြကြသော ကဟန်များဖြစ်ပါသည်..။
အကမှာလည်း တည်ငြိမ်မှု၊လေးနက်မှု၊သိမ်မွေ့မှုတို့ဖြင့် ပေါင်စပ်၍ကပြရသော အကတမျိုး ဖြစ်ပါသည်။*
အဆိုပါသီချင်းအား ချမ်းချမ်းမှ မြန်မာမှုပြု၍ ပြန်လည် သီဆိုသောအခါ ရခိုင်လူမျိုးအချို့မှ ဝေဖန်မှုပြုခဲ့ပါတယ်..။ သူတို့ရဲ့ရိုးရာသီချင်းမှာ မြန်မာသံဖြင့် သီဆိုသောအခါ လိုက်ဖက်ခြင်းမရှိ။ ရခိုင်ရိုးရာ ယဉ်ကျေးမှုရသကို ပျက်သည်ဟု ပြောဆိုခဲ့ကြပါတယ်။
မူရင်းရခိုင်သီချင်းကို ဒီမှာ ကြည့်ရှုနိုင်ပါတယ်..။
ဖိုးသိကြားသည် ရခိုင်လူမျိုးမဟုတ်သော်လည်း ရခိုင်လူမျိုး အပါအ၀င် မြန်မာနိုင်ငံရှိ တိုင်းရင်းသား လူမျိုးစုအားလုံး၏ ရိုးရာယဉ်ကျေးမှု ဓလေ့ထုံးတမ်းများကို လေးစားလက်ခံပါတယ်..။ ယခု မြန်မာမှုပြုထားသော သီချင်းကိုလည်း မနှစ်သက်ခဲ့ပါက ယဉ်ကျေးမှုရှုထောင့်မှ မကြည့်ဘဲ ဘုရားရှင်အား ပူဇော်သည့် ဘာသာရေးရှုထောင့်မှသာ ကြည့်၍ နားလည် ခွင့်လွှတ်ပေးပါရန် ကြိုတင် တောင်းပန်အပ်ပါတယ်။
ဖိုးသိကြားရဲ့ အဓိကရည်ရွယ်ချက်မှာ မြန်မာပြည်အရပ်ရပ်မှ ဘုရားများကို ဖူးမျှော်ကြည်ညိုပြီး ကုသိုလ်စိတ်ပွားများနိုင်ကြစေရန်သာ ရည်ရွယ်ပါကြောင်းနှင့် အကယ်၍ အခြားသူတို့အား ထိခိုက်မိသည်ရှိသော် ဖိုးသိကြားရဲ့ တာဝန်သာဖြစ်ပါကြောင်း....
အားလုံးကို ချစ်ခင်လေးစားသော...ဖိုးသိကြား
No comments:
Post a Comment