သူတို့ဆီမှာနဲ့ တို့ဆီမှာ ဘာတွေ ကွာခြားနေသလဲ???

(သူတို့က ကထိန်လှည့်နေတယ်။ ကိုယ်က ဒီလိုတွေးမိတယ်။)
သီရိလင်္ကာနိုင်ငံက ကထိန်လှည့်ပွဲလေးတခုပါ။ သူတို့ရိုးရာနဲ့ ဗုဒယဉ်ကျေးမှုကို ရောမွှေထားပါတယ်။ အထူးခြားဆုံးတွေ့ရတာက ကလေးတွေကို နေရာပေးပြီး စီတန်းလှည့်လည်ခိုင်းတာပါပဲ့။ အရောင်မျိုးစုံဝတ်စုံလေးတွေနဲ့ မြူးကြွနေတဲ့ အနာဂတ်လူကြီးလေးတွေကို ကြည့်ရတာ အနာဂတ်သာသနာအတွက် အားရစရာပဲ့။ Sunday School ရက်မှာ အကတိုက်နေတာတွေ့တော့ ဘာလုပ်ဖို့လဲ အောက်မေ့မိတယ်။ ဒီကထိန်ပွဲတော်အတွက် သူတို့ ပြင်ဆင်နေကြတာကိုး။ အခုတော့ ကုလားဗုံသံလေးတွေ မြိုင်လို့။ လူကြီးတွေက ဘေးက ရပ်ကြည့်နေရတယ်။ ဒါနဲ့ စပ်လို့ အတွေးလေး တချက်ဝင်လာတယ်။

ငါတို့ နိုင်ငံမှာဆို ကလေးတွေက မျောက်ရှုံးအောင် ဆော့လို့ ကျောင်းခေါ်မလာဘူးဘုရားတဲ့။ ဒီအယူအဆလွဲနေသလား။ ပုဂိုလ်ခင်မှ တရားမင်ဆိုလား။ တကိုယ်ရေအယူအဆအရပြောရရင်တော့ ဦးဇင်းတို့ မြန်မာကလေးတွေကို ကျောင်းကန်ဘုရားများများခေါ်သွားသင့်တယ်။ အခုကထိန်လှည့်နေတဲ့ ကလေးတွေဆို ဘာသာရေးအခမ်းအနားလုပ်တာနဲ့ အထာကို ကျလို့။ သူတို့တာဝန်ကျတာ သူတို့လုပ်သွားတယ်။ ရှက်နေကြောက်နေတာ မရှိ။ အားလုံးအေးဆေးပဲ့။ ဒါနဲ့စပ်လို့ စာပေတတ်ပေတတ် ဘုန်းကြီးတပါးမိန့်ဖူးတာ သတိရလာပြန်တယ်။ သူက တရားဟော ကြောက်တယ်လေ။ သူပြောတာက အေးကွာတဲ့ ငါတို့ဘုန်းကြီးကျောင်းတွေမှာလဲ သူတို့နိုင်ငံမှာလိုပဲ့ ငယ်ငယ်ကတည်းက မိုက်မကြောက်အောင် သင်ပေနိုင်ရင် အရမ်းကောင်းမယ်တဲ့။ ပရိတ်သတ်ရှေ့ထွက်ရတဲ့အလုပ်ဆိုတာကလဲ မလွယ်ဘူးလေ။

အခု သီရိလင်္ကာက ကလေးတွေဆို တနင်္ဂနွေကျောင်းမှာ ဇာတ်တိုက်ထားပြီးသား။ အသက်ငါးနှစ်၊ ဆယ်နှစ်လောက်ကလေးက ပရိတ်သတ်ရှေ့ထွက်ပြီး Ladies and Gentleman လုပ်ခိုင်းမလား။ သူတို့က ခပ်တည်တည်ပဲ့။ စတိုင်အပြည့်နဲ့ ကိုယ့်ဘာသာသာသနာအကြောင်းပြောနိုင်တယ်။ သူ့အလှည့်ပြောပြီးတာနဲ့ စင်ပေါ်က ဆင်းပြီး ဖုန်တောထဲ သွားဆော့နေရော။ အဲလိုမျိုး။ (စကားချပ်။ ။ဦးဇင်းတို့တော့ အခုထိတောင် ကြောက်တုံး၊)

ဒါကြောင့်တွေးမိတယ်။ ဦးဇင်းတို့နိုင်ငံမှာလဲ ဒီနိုင်ငံကလို Sunday School လေးပေါ်လာရင် အရမ်းကောင်းမှာပဲ့။ ဦးဇင်းတို့နိုင်ငံမှာလဲ ကလေးတွေအတွက် နွေရာသီကျောင်းပိတ်ရက်မှာ ဗုဒဘာသာယဉ်ကျေးမှုသင်တန်းတို့လို သင်တန်းလေးတွေ ရှိပါတယ်။ ဒါပေမဲ့ ကိုယ်တိုင်လဲ သုံးဆင့်စလုံးဖြေဆိုအောင်မြင်ခဲ့ပြီး ခြောက်နှစ်ကျော်ကျော်သင်ပေးဖူးတဲ့ အတွေ့အကြုံအရ ပြောရရင်တော့ အဲဒီစာမေးပွဲတွေက သိပ်ထိရောက်မှုမရှိဘူး။ ကျောင်းပိတ်ရက် ကလေးတွေကို အဆော့မသန်ရအောင် ဘုန်းကြီးကျောင်းအပ်တဲ့သဘောလောက်ပဲ့ရှိတယ်။ 

စာမေးပွဲမတိုင်ခင် စာကို ကုန်းအော်ပြီး ဖြေတဲ့အခါ အောင်တော့ အောင်ပါတယ်။ ဒါပေမဲ့ စာမေးပွဲပြီးတဲ့အခါ ကျန်သင့်သလောက် ကျန်တာကို မတွေ့ရဘူး။ Course centered Learning ကြီးဖြစ်နေတယ်လို့ ထင်ပါတယ်။ စာမေးပွဲအောင်ရင် ပြီးရောပေါ့လေ။ တကယ်က Student Centered Learning ဖြစ်ရင် ပိုကောင်းမယ်။ ဒါမှ စာပေက အသဲထဲ စွဲမှာပါ။ ဒိတော့ အခုလက်ရှိသင်နည်းကို သိပ်တော့ အားမရဘူးပေါ့ဗျာ။ ဦးဇင်းတို့ဆီမှာလဲ သူတို့ဆီကလိုပဲ့ တနှစ်ပတ်လုံး ဖွင့်တဲ့ sunday school လေးတွေ အသီးသီးပေါ်လာရင် ကောင်းမယ်။ အခုက သူငယ်တန်းကနေ ဆယ်တန်းအထိ ပြဌာန်းစာအုပ်တွေကို ကြည့်လိုက်တော့လဲ ဘာသာသာသနာအတွက် ပြဌာန်းပေးထားတဲ့ စာပေကို အားရလောက်အောင် မတွေ့ရဘူး။

အခု သီရိလင်္ကာမှာဆို အတန်းတိုင်း အတန်းတိုင်းမှာ သူ့ Grade အလိုက် ဘာသာရေးစာတွေ တ၀ကြီးထည့်ပြီး ပြဌာန်းပေးထားတယ်။ ကလေးတွေ ဘုန်းကြီးကျောင်းသွားဖြစ်အောင်လဲ Sunday School ကို ဗုဒဘာသာကလေးတိုင်း တက်ရပါတယ်။ စာသင်ကျောင်းတိုင်းမှာလဲ ဘာသာရေးနဲ့ပတ်သက်တဲ့ Course ကိုင်ဖို့ ဘုန်းကြီးဆရာတပါးပါးကို ခန့်ထားပါတယ်။ အရွယ်ရလာလို့ အလုပ်အကိုင်ရှာကြတဲ့အခါ ဒီ Sunday school အောင်လက်မှတ်က သူတို့အတွက် အကျင့်စာရိတ္တကောင်းမွန်ကြောင်း ထောက်ခံစာလေ။ အလုပ်ရှင်တွေကလဲ ဒီလက်မှတ်ပါမှ အလုပ်အကိုင်ကောင်းပေးပါသတဲ့။

ဒီတော့ ဦးဇင်းစဉ်းစားကြည့်တယ်။ ငါတို့နိုင်ငံမှာလဲ ဒီလိုလုပ်ရင် အရမ်းကောင်းမယ်လို့။ လုပ်ဖူးလားတော့ မသိဘူး။ ကိုရင်ဘ၀က စာအုပ်တွေ တွေ့ဖူးတယ်။ မဟာဂန္ဒာရုံဆရာတော်ဘုရားအရှင်ဇနကာဘိဝံသရေးထားတဲ့ ဗုဒဘာသာသင်ခန်းစာ ဆိုတဲ့စာအုပ်အသေးလေးတွေ။ စာအုပ်အပြင်မှာ သူငယ်တန်းမှ ဒုတိယတန်းအတိသင်ရန်၊ ဒုတိယတန်းမှ စတုတ္ထတန်းအထိသင်ရန် စသဖြင့် ရေးပေးထားတာတော့ တွေ့တယ်။ အဲဒီစာအုပ်လေးတွေနဲ့ အခု သီရိလင်္ကာနိုင်ငံက Sunday Schoolလို ဖွင့်လိုက်ရလို့ကလား။ အားရပါဘိတောင်း။ အခုတော့ on being asked what is yr religion by non-buddhist, I or someone will answer I am Buddhist proudly. But when we are asked what's Buddhism, our mouth will print out many colorful voices such as Ahaa, wait, Ah ha. Later I will explain you after asking my seniors.

(ဗုဒဘာသာများအတွက်သာ ရည်ရွယ်ပါတယ်။ အာ.. အခုချိန်ထိတောင် ကိုယ့်နိုင်ငံက ဗုဒဘာသာအများစုနေ ထိုင်ပြီး သီရိလင်္ကာနိုင်ငံလို နိုင်ငံတော်ဘာသာကို ဗုဒဘာသာအဖြစ် မကြေညာရဲသေးဘူးနော်။ )
Credit to:Daweian Monk